audurreykdal

Reunited í október

2008-08-18T22:58:00.003+01:00

ja allavega hluti af okkur.
Því skvísan er á leiðinni til Danmerkur! Ó já baby, ég og Bubbi ætlum að vera saman í kóngsins Köbenhavn. Búin að bóka flug, kaupi miðann þegar ég er búin að sannfæra Gungu og svo gistingu þegar ég er komin með þetta aðeins meira á hreint.
Held ég verði kannski bara í afvötnun þangað til, því þegar ég er farin að drekka FJÓRA daga í röð þá þarf nú eitthvað að fara að skoða hlutina :-) En það var semsagt grill hjá Ásdísi og amish á miðvikudaginn, leikurinn var á fimmtudaginn, suddalegt vinnupartý á föstudaginn og svo amish-flutningar á laugardaginn. Usss... hef bara ekki upplifað annað eins. En þetta var allavega alvöru partý í vinnunni, mín bara tilbúin í bjórinn og breezerinn (nota bene mín drakk breezer allt kvöldið og kellan drekkur ekki svoleiðis!). Ótrúlega góður grillaður matur og þá drógu strákarnir fram staupinn og opalinn! Ekki nóg með það, kvöldið var svo toppað með tequila. Ef það er ekki suddalegt þá veit ég ekki hvað.
Annars er ég bara hérna alein og yfirgefin... (af kvenfólkinu sko, Víðir minn er alltaf hérna) þannig að ég er bara farin að taka Bridget Jones atriðið. "all by myself" og með tómar vínflöskur í hrúgum í kringum mig.
En ætlaði nú bara aðeins að létta á mér hérna, sé meirihlutann af ykkur sem les þetta í október!

Update: búin að kaupa miða á Bubba

Brilliant lag

2008-07-22T20:31:00.004+01:00

Jæja, þá eru hinir árlegu Kátir dagar búnir. Er ekki frá því að þetta hafi verið þeir skemmtilegustu sem ég hef farið á. Á nokkrar myndir sem ég á eftir að henda inn. Annars ætla ég bara að leyfa ykkur að njóta Káta daga lagsins. Benni og Hannes voru í því að semja þetta snilldar lag (sungið við Kátir voru karlar)

Kátir voru dagar
að Bakkabræðrasið
á kvennaveiðar fóru
já bræðurnir og við
Og allir komum við aftur
nema sá sem dó
við bárum hann út af barnum
já beinustu leið út í sjó
Hann dó hann dó
og lenti út í sjó
hann dó hann dó
ég skelli skelli hló
Hann var að fá sér smá tópas í tána
Hann var að skrá sig í félagsskapsskrána
Hann varð að fara í rauðskreyttu gjánna
Hann var jú jómfrúin okkar sem dó
Hann dó hann dó
og lenti út í sjó
hann dó hann dó
ég skelli skelli hló HAHAHAHA

(Það kom sko hlátur í lokin...)

Á leiðinni yfir eftir ballið

Verið að gera upp kvöldið

Tjellan komin aftur

2008-07-08T15:17:00.003+01:00

Jæja, kannski í lagi að blogga svona á 3 mánaða fresti.
Vorum í útilegu um helgina á Faxa, ótrúlega gaman hjá okkur. Vinahópurinn orðinn fullorðin því að með í för voru börn, hundur og tjaldvagn. Fórum í túrastaleik með börnin á Geysi og Gullfoss, dugnaður í okkur. Ótrúlega gott veður hjá okkur allan laugardaginn, enda kom meirihlutinn vel rauður aftur í bæinn. Víðir átti samt flottasta farið. Kallinn var í sandölum og ekkert að nenna að bera á lappirnar á sér þannig að hann er hvít-rauðröndóttur á fótunum.

Svo er önnur ferð um næstu helgi. Annaðhvort ættarmót í Skagafirði eða í bústaðinn á Látrum. Fer eftir því hvert tengdó ætla að fara.
Vona annars að það verði styttra í næsta blogg...

Update

2008-03-10T17:34:00.012Z

Jæja, þá er komið að smá update-i.
Bíllinn minn er bara með 2 drullusokka núna.
Við erum búin að mála baðið, fórum aukaumferð viku seinna þar sem að málningin lak. Komst að því í gær að málningin lak aftur, þannig að við þurfum að mála yet again! Þannig að núna á að kíkja hvort að málningin sé svona léleg fyrir baðherbergið.
Fyrir

Loftið orðið nokkuð ljótt

Þvílíkur munur þegar við vorum búin að pússa veggina

Það gekk svoldið mikið á hjá Víði

Eftir

Nema hvað að núna vantar okkur smá lit þarna inn

Skelltum okkur í IKEA um helgina og keyptum okkur hillur og viti menn, þær eru bara komnar upp.

Ég keypti mér annars nýja bók um daginn. Eftir snillinginn hana Noru Roberts. Komst að því þegar ég var samasem búin með bókina að þetta var bara sú fyrsta í nýju trilogy hjá henni. Ákvað að kíkja á Amazon hvort ég gæti ekki bara keypt hinar tvær í staðinn fyrir að bíða eftir því að þæra koma til landsins. En neinei, bók númer 2 kemur út í maí og þriðja bókin kemur ekki fyrr en í DESEMBER!!! Þetta eyðilagði daginn alveg hjá mér. Get ekki beðið í níu mánuði! Alveg á bömmer.
Er að fara til útlanda eftir 4 daga, jibbý get ekki beðið.
Ætti að vera nóg af update-i núna.
Annars er komið vor hjá mér

Ég syrgi kæran vin

2008-02-21T22:14:00.010Z

Ótrúlegur þessi karl, hann tekur bara ekkert tillit til mín og minna tilfinninga. Hann rænir af mér bílnum, fór í of mikinn snjó og týndi drullusokknum mínum!! Og þetta gerðist einhvern tímann í seinustu viku og ég var bara núna að frétta af því. Ég fékk ekki einu sinni tækifæri til að kveðja greyið... Þannig að núna er greyið bíllinn minn (er að fatta núna að ég á ENNÞÁ eftir að gefa honum nafn) bara með þrjá drullusokka :( Það ættu nú allir að vita hvað drullusokkarnir mínir hafa gengið í gegnum margt með mér. Þeir hafa skafið flestar götur bæjarins, klappað mörgum hraðahindrunum, Sandvíkurheiðina og alla leiðina á milli Bakkafjarðar og Þórshafnar ásamt ýmsum öðrum leiðum. Þannig að hans verður sárt saknað.
Annars er planið hjá okkur Víði að vera ótrúlega dugleg um helgina. Ætlum að mála baðherbergið hjá okkur, þurfum að pússa það allt fyrst. En erum komin með juðara og málningu og ætlum að vera helvíti dugleg. Enda alveg kominn tími á smá upplyftingu þar. Þá fækkar gulu herbergjunum okkar um eitt, nokkuð gott afrek hjá okkur. Þannig að ef þið fréttið af því að við erum ekki að standa okkur, endilega rekið á eftir okkur.
Júbb, svo er ég loksins búin að ákveða mig með hillur inni í stofu. Ég ætla að kveðja Magga og þakka honum fyrir samfylgdina, búin að búa hjá okkur síðan við keyptum íbúðina. Við kíktum í IKEA og ætlum að kaupa okkur svoleiðis vegghillur. Erum bara aðeins að pæla í hvaða lit við eigum að fá okkur, og okkur líst best á þennan (þetta er ekki alveg svart, er með viðarrákum í). En þetta er allt að gerast. Einhver svaka framkvæmdagleði yfir mér þessa dagana.
Hva meir... júbb er að fara til útlanda eftir 3 vikur. En þessir fáu sem lesa þetta vita það líklega, og eru jafnvel að fara með mér.
Held ég segi þetta gott í bili, svo er bannað að setja út á hvað ég bloggi lítið, ef það commentar enginn hjá mér! En þetta ætti nú eitthvað að gleðja systur mína, untill next time...

Yeah baby!

2008-01-31T20:28:00.000Z

Hey, ég er víst að fara til Danmerkur. Og ekki bara einu sinni, heldur tvisvar! Þá meina ég tvær helgar í röð. Sjibbýýý, hlakka ekkert smá til. Við stelpurnar erum einmitt loksins að fara að panta ferðina um helgina.
Sá þetta á netinu og ákvað að deila því með ykkur..

Colonoscopies are no joke, but these comments during the exam were quite humorous..... A physician claimed that the following are actual comments made by his patients (predominately male) while he was performing their colonoscopies:
1. "Take it easy, Doc. You're boldly going where no man has gone before!
2. "Find Amelia Earhart yet?"
3. "Can you hear me NOW?"
4. "Are we there yet? Are we there yet? Are we there yet?"
5. "You know, in Arkansas, we're now legally married."
6. "Any sign of the trapped miners, Chief?"
7. "You put your left hand in, you take your left hand out..."
8. "Hey! Now I know how a Muppet feels!"
9. "If your hand doesn't fit, you must quit!
10. "Hey Doc, let me know if you find my dignity."
11. "You used to be an executive at Enron, didn't you?"
12 . "God, now I know why I am not gay."
And the best one of all..
13. "Could you write a note for my wife saying that my head is not up there?"

P.S. Er búin að þurfa að hnerra í 14 tíma núna, og það er ekki að takast!! Kunnið þið eitthvað ráð til að hnerra? Og ekki segja, horfðu í ljósið! það virkar ekki á mig.

Frábær auglýsing

2008-01-17T10:49:00.000Z

Smá svona...

2008-01-07T21:26:00.000Z

Hæbb, nokkrir punktar

- gleðileg jól
- gleðilegt ár
- er ekki dauð
- er ekki deyjandi, ennþá allavega... fæ niðurstöðurnar í vikunni.
- er loksins byrjuð að fara til sjúkraþjálfara, hann hefur gaman af því að pína mig
- Anna smitaði mig af eyrnabólgu, mér finnst það kvikindislega gert

Bið að heilsa ykkur í bili

P.S Ekki segja við kærustuna ykkar: Þú lítur ekki ómyndarlega út

Djamm?? hvað er það nú...

2007-12-17T23:36:00.000Z

Það er aldeilis kjafturinn á Gunnfríði. Þori ekki öðru en að blogga fyrst að ofurbloggarinn sjálfur finnur tilefni til að kvarta...
En ég er öll að hressast. Fór í vinnunna í dag og var svo velkomin. Hef aldrei áður fengið jafn góðar viðtökur í vinnunni held ég barasta, þær voru svo fegnar að fá mig aftur. Kláraði daginn einmitt á fundi um það hvert við eigum að fara á árshátið í vor. Held það sé komin niðurstaða í málið, hlakka ekkert smá til. Var svo líka nógu hress til að kíkja í 95 ára afmæli til Betu ömmu. Við Atli fórum í keppni um hvort okkar þekkti færri. Við vitum því miður ekki ennþá hver Maggi sem var að vinna með Villa tilla er. Nema það að hann er jú tengdapabbi Þórdísar. Það hjálpaði ekkert að útskýra að hann þekkti einhvern (Dódó eða Tótó eða whatever) sem hafði búið í Engjabergi. Þarf alveg að læra það að hætta að spurja þegar þær systur komast í ham að tala um gamla Hafnfirðinga. Svo sagði Sigrún mér að ég og Katla þyrftum bara að hittast og ræða okkar sjúkrasögu (semsagt frænka mín, þremenningar) þar sem hún og pabbi eru búin að komast að því að okkar sjúkrasaga er hrikalega lík, þannig að næst á dagskrá er að láta lækni skoða B12 vítamínframleiðsluna hjá mér. Katla þarf víst að fá sprautur við því og mamma sagði að ég þyrfti nú endilega að láta athuga það. Það er semsagt stórfjölskyldan sem á við gallblöðruvandamál að stríða.
Svo skelltum við mæðgurnar okkur í bæinn. Hún náði að klára jólagjafirnar sínar, dugnaðurinn alltaf í okkur. Þannig að núna er ég búin að fara of oft í bæinn og með flestum í fjölskyldunni held ég bara. Við Gagga búnar að skella okkur tvisvar sinnum saman í bæinn þar sem við keyptum seríu sem var drasl sem var afgreidd af vitlausasta afgreiðslumanni sem við höfum hitt!

Annars er aðalmálið að ég er víst að fara á eitthvað djamm á föstudaginn. Hafið þið heyrt eitthvað af því?? Annars veit ég hvernig barþjónninn okkar verður klæddur, ef einhver hefur áhuga á að klæðast í stíl. Þið vitið svona eins og í A knights tale. Nema það að þið eruð ekki prinsessur og það er bannað að fara með honum inn á klósett.
Svo ætla ég að komast í jólaskap um leið og þessi vindur hættir, já og rigningin. Haldiði að það takist ekki alveg á þessu ári? Er þetta ekki bara komið gott í bili? Og svo þarf líka að commenta fyrst maður heimtar blogg...

Sambandið farið í ruslið

2007-12-11T16:53:00.000Z

Já gott fólk, það fór bara beint í ruslið.
Rúmlega 11 mánaða sambandi lokið. Eftir að hafa boðið nokkrum að taka við jukkunni minni ákvað ég bara að henda henni í ruslið. Fékk hana í byrjun ársins, þannig að ég held að ég hafi farið fram úr björtustu vonum.
Annars er ég búin að ákveða að ég skil lækna bara ekki neitt. Þegar ég loksins fór heim af spítalanum var bæði læknirinn minn og hjúkkan búin að segja mér að ég ætti að koma í tékk aftur eftir 2 vikur og svo ómskoðun eftir áramót. Röntgenlæknirinn vill eitthvað skoða lifrina í mér betur. Vona bara að það komi allt gott út úr því, en allavega. Fékk símtal frá röntgendeildinni í gær og þá átti ég víst tímahjá þeim í ómskoðun í gærmorgun, sem ég mætti ekki í, what!! Enginn búinn að segja mér frá því, þannig að þær ákváðu bara að fresta tímanum um einn dag, og minntu mig svo á hvenær segulómunin mín er. Uhhh, vissi ekki einu sinni að ég ætti að fara í svoleiðis skoðun. Ég í mínu sakleysi spyr bara hvort að ég geti farið í ómskoðun svona stuttu eftir aðgerð, þegar ég væri ennþá aum og svona, sérstaklega þegar mér var tilkynnt að ég ætti bara að fara í þetta eftir áramót. Það stóð víst á einhverri beiðni að ég hefði beðið um að klára þetta í desember út af afsláttarkortinu. Sem ég á ekki einu sinni. Þannig að ég bara spurði hvort að ég mætti ekki bara fara í báðar rannsóknirnar eftir áramót, og þær redduðu því bara fyrir mig. Þannig að ég verð væntanlega komin með afsláttarkort strax í fyrstu vikunni á næsta ári, damn, og ég sem gerði svo mikið grín að Víði í fyrra af því hann var svo snöggur að fá sitt kort.
En annars er ég öll að koma til. Ekki jafn aum og ég var fyrst. Er farin að geta staðið upp sjálf, sjibbý! En mjög gott að eiga svona góðar byrgðir af læknadópi :) Bara verst hvað mig klæjar svakalega undir plástrunum mínum, ohh langar svo að klóra mér almennilega.
Annars vil ég bara óska Katrínu Sól og Möllu til hamingju með daginn, og munið svo að vera stillt og góð börnin góð svo þið fáið nú ekki kartöflu í skóinn...

Heima í afslöppun...

2007-12-08T18:18:00.000Z

Jæja, núna ætla ég aðeins að segja frá veikindum mínum. Þannig að þið getið hætt að trufla Önnu mína. Annars hefðuð þið nú líka bara getað sent mér sms eða hringt.
Byrjunin var aðfaranótt fimmtudags í seinustu viku. Fékk í magann sem leiddi alveg upp í bak, hef nú oft fengið í magann en þetta var eitthvað öðruvísi þó svo ég hafi nú ekki pælt mikið í því. En ég náði að sofa svona inn á milli, þannig að þetta var ekkert of slæmt. Næsta kast kom á sunnudagsmorgun eftir baksturinn hjá Herdísi. Það stóð nú mjög stutt en þar sem ég hélt barasta að ég væri að deyja, lét ég Víði hringja eftir lækni á læknavaktinni. Hann kom og ég lýsti þessu fyrir hann og hann þreifaði á mér og greindi mig með vélindabakflæði. Ég var nú ekki alveg sammála þessum dómi því ég hef aldrei tengt svona svakalegan verk við bakflæði, en hann gaf mér lyf og ég fór bara eftir hans fyrirmælum. Þau dugðu nú ekki mikið því að aftur fékk ég kast á mánudagskvöldið. Það var ennþá verra og stóð of lengi fannst mér. Þá ákvað ég bara að fara inn á læknavakt (um klukkan 9) og hann vildi nú ekki vera að fylla mig af dópi og ákvað að senda mig inn á Fossvog. Sagði að þar væru magasérfræðingarnir, en það var nú bandvitlaust hjá honum en þau ákváðu nú að kíkja á mig. Það voru teknar blóð- og þvagprufur og blóðprufurnar voru ekki nógu góðar þannig að það var ákveðið að ég myndi gista hjá þeim og skella mér í ómskoðun strax á þriðjudagsmorgun. Það voru hækkanir í brisi og lifur og það þýðir í 90% tilvikum gallsteinar, þannig að þeir ákváðu að kíkja á það.
Á þriðjudaginn var mér rúllað í ómskoðun og þar fannst sandur í gallblöðrunni og bólgur í brisi og lifur. Það sáust engir steinar en ákveðið að senda mig yfir á Hringbraut þar sem sérfræðingarnir eru. Þannig að mín fékk að fara með sjúkrabíl á milli spítalanna. Þar var mér gefin næring í æð og haldið áfram að pota og skoða bæði blóðprufur og niðurstöðurnar úr ómskoðuninni. Þeri læknar ákváðu að leggja mig bara inn þannig að ég fór upp á 3 hæð á skurðdeild. Þá tilkynnti læknirinn mér að ef blóðprufurnar yrðu góðar og ég einkennalaus morguninn eftir myndi ég fara í aðgerð. Þannig að ég er vakin bright and early og teknar blóðprufur. (By the way, ótrúlegt hvað fólk hefur gaman af að vekja mann eeeldsnemma, bara til að taka blóðþrýsting eða eitthvað. Var alltaf vakin um 6 í fyrstu mælingar) Það voru ennþá hækkanir í brisi og lifur þannig að mér rúllað niður í segulómskoðun. Þar fór ég í öndunaræfingar inni í hólknum. Kom upp og þá kom mamma í heimsókn og mér tilkynnt að ég fengi loksins að borða! Sjibbý, var með þvílíka hungurverki... Náði að borða hálfa brauðsneið áður en hjúkka kom hlaupandi og stoppaði mig því að ég þurfti að fara aftur í segulóm. Þannig að þær myndatökur voru enduteknar og ég fékk að borða eftir það. Bara búin að vera fastandi í 2 sólarhringa. Þá kom læknirinn eftir að hafa skoðað myndirnar og tilkynnti mér að ég færi í aðgerðina á morgun. Þannig að ég yrði laus fyrir helgi. Var vakin morguninn eftir (fimmtudagur) með þær fréttir að ég færi ekki í aðgerðina aarg, enn einu sinni frestað, djöfullinn sjálfur. Ég væri að fara í sneiðmyndatöku af lifrinni og aðgerðin yrði daginn eftir. En bestu fréttirnar voru, að eftir myndatökuna mætti ég fara heim og þyrfti ekki að koma til þeirra fyrr en kl 8 í sprautu. Þannig að mamma og Sæmi skutluðu mér heim áður en þau brunuðu upp á flugvöll og ég átti tæpa 9 klukkutíma að vesenast og ég fékk að borða á meðan :) Fannst furðulegt að bæta við fleiri rannsóknum á lifur, án þess að mér var sagt af hverju þannig að þegar læknirinn kom að tala við mig fyrir aðgerðina á föstudagsmorgun spurði ég út í þetta. Hann var nú frekar hissa á að mér hefði ekki verið tilkynnt af hverju ég hafði farið í fleiri rannsóknir. En málið var að það sást einhver blettur í lifrinni og það var ákveðið að skoða það aðeins betur. Hann tilkynnti mér einnig að þetta væri væntanlega góðkynja og ég þyrfti ekki að hafa neinar áhyggjur af þessu. En loksins kom að aðgerðinni. Hún gekk alveg ótrúlega vel, hann var meira að segja að spá í að senda mig heim samdægurs. Hann ákvað einnig í leiðinni að kíkja á lifrina í mér og taka sýni ef hann sæi eitthvað. Hann sá ekkert þannig að hann heldur að bletturinn sé eitthvað inni í lifrinni. Ég vel aum eftir aðgerðina og það bætir ekki að ég sé komin með hálsbólgu, þar sem það tekur vel í kviðinn að hósta. Hjúkkan mín varaði mig líka við því að ég myndi væntanlega fá flensuna sem er að ganga. Þannig að þetta verður gott sjúkrabæli næstu vikuna.
En núna verð ég bara í afslöppun næstu vikuna, á að fara í tékk til læknisins þann 20. des og svo vill röntgenlæknirinn fá mig aftur í ómskoðun eftir áramót til að skoða lifrina ennþá betur. En við höldum bara í vonina að það komi ekkert slæmt út úr því.
Held að þetta sé bara orðið gott í bili. Þið vitið hvar ég verð næstu vikuna...

Smá krísa... :(

2007-11-26T12:31:00.000Z

Þetta er alveg ótrúlega erfið ákvörðun hjá mér, þannig að mig langar endilega að fá smá hjálp.
Hvar á ég að vera um jólin?
Og þið þurfið að sjálfsögðu að koma með einhvern rökstuðning, þar sem ég var búin að lofa því að fara austur um jólin.

Barcelona

2007-11-21T22:17:00.000Z

Ó vá hvað þetta er geggjuð borg! Mæli pottþétt með henni, ætla svo innilega að fara aftur, bara í aðeins lengri tíma... Þó svo að ferðin sjálf hafi aftur á móti byrjað ömurlega, ekki my thing að hanga upp á flugvelli að bíða í ca 12 tíma! Enda hata ég líka Iceland Express, og mér finnst það bara skylda að allir flugþjónar séu í góðu skapi. Bara fífl sem eru með einhverja stæla við fólk sem er búið að hanga upp á velli í 8 tíma seinkun. En anyways...
Þetta er bara geðsjúklega flott borg, og svo margt að skoða. Náðum að leika túrista, missa okkur í H&M, drekka kokkteila á MILK (by the way, verðið að fara þangað) sem Sirrý mælti með, náði að vera álitin pervert af öllum á ströndinni (hvað ég legg ekki á mig fyrir einhleypar vinkonur mínar). Nenni ekki að telja allt upp, ætla að skella inn nokkrum myndum með, látið ykkur það bara nægja :-)

Gaudí - Casa Miló

kirkjan...

í byggingu

í Gaudí garðinum

nýji sófinn minn

völlurinn

höfnin

stóóór bjór

white russian

áttu ekki strawberry þannig að... rasberry daquiri

malibu (sem ég þurfti að kenna þeim að gera)

ströndin

og perrinn ég...

Andlega fötluð ungmenni

2007-11-09T11:30:00.000Z

Þó svo að kerfið sé leiðinlegt, þá ætla ég nú að henda inn þessari skemmtilegu sögu.
Eins og þið kannski vitið öll er Viskan í skóla, og þá yfirleitt með nokkrum börnum í tíma. Þessi skemmtilega saga gerðist í ensku um daginn.
Fyrir aftan hann sitja 3 stúlkur sem eru væntanlega um 17 ára. Og þær hafa bara slegið öll met, meira að segja fíflið sem var með okkur Önnu í landafræði og vissi ekki hvað gerðist í Tsjernobyl er klárari en þær! En here goes...
Þau voru sem sagt að gera verkefni, fengu orð á ensku og áttu að útskýra það t.d. "Washington? Lincoln? Kennedy? = They were presidents" og ótrúlegt en satt þá gátu þær nú svarað þessu, en áttu í erfiðleikum með flest allar hinar spurningarnar.
Það byrjaði á Skyscraper. Heyrist í einni, hvað er það? Kennarinn ústkýrir fyrir henni að það sé skýjakljúfur. Heyrist aftur, hvað er það? Dohh! Og áfram heldur stuðið. Það byrjaði á Rhine, Nile og Missisippi. Veit ekki betur en að við lærðum mjög vel um Níl í grunnskóla, en þeim er svo sem fyrirgefið að vita ekki hvað frægustu ár í heimi eru. En að vita ekki hverjir Beethoven, Shakespeare, Einstein og Van Gogh eru, það er bara heimska! Að vita ekki hver einn einasti þeirra er! En svo slógu þær öll met... þær vissu ekki hver Marilyn Monroe var!!! Veit alveg að hún er nú búin að vera dáin svoldið lengi, en hún er tískufyrirbrigði. Hélt barasta að allir vissu hver hún hafi verið.
Þannig að Víðir ákvað bara að þær væru andlega fatlaðar, og ég ætla bara að vera nokkuð sammála honum.
En ef þið hafið einhvera útskýringu á því hvernig fólk getur verið svona vitlaust, vil ég endilega heyra hana. Bjóst aldrei við að hitta heimskari manneskju en gelgjuna í landafræði, enda skemmtum við Anna okkur vel í þeim fáu tímum :) eeen, ótrúlegt en satt, það er til heimskara fólk.
Eins og strákurinn í Rúmfatalagernum sem vissi ekki hvað herðatré er...

Þá koma bara fleiri börn

2007-11-02T09:59:00.000Z

Hélduð þið að barnastússið væri búið? O nei nei.
Í gær eignuðust Harpa og Hannes lítinn strák. Harpa fékk hann einmitt í afmælisgjöf. Vil bara óska þeim innilega til hamingju með litla prinsinn, sem er alveg ótrúlega líkur stóra bró.

Svo er verið að opna nýja verslun í smáratorgi í dag, ótrúlega djúsí sófi á tilboði sem við Víðir erum geggjað hrifin af. Ætlum að reyna að kíkja á hann í dag.
Svo styttist alltaf í Barcelona ferðina okkar, ég er samt ekki búin að vera nógu dugleg við að læra spænskuna eða skipuleggja mig betur. You know me, ég og minn listi!

En ég á alveg rétt á að skjóta aðeins á stelpurnar, ég bara í mínu fasta sambandi og er að sjálfsögðu algjör engill!

Annars bið ég bara að heilsa ykkur í bili, ætla að þykjast vinna aðeins...

You Were Nice This Year!

You're an uber-perfect person who is on the top of Santa's list.You probably didn't even *think* any naughty thoughts this year.Unless you're a Mormon, you've probably been a little too good.Is that extra candy cane worth being a sweetheart for 365 days straight?

http://www.blogthings.com/wereyounaughtyornicethisyearquiz You Naughty or Nice This Year?

Snjórinn fór bara aftur

2007-10-31T21:43:00.000Z

Where to start...
Við Gunga fundum börnin í okkur og fórum út að leika á mánudagskvöldið. Hún á þennan fína sleða sem við kipptum með okkur upp í Heiðmörk. Renndum okkur og sáum stjörnuhröp og enduðum svo á að fá okkur heitt kakó. Það var bara geggjað hjá litla draugahúsinu...
Svo skelltum við stelpurnar okkur í eina nótt upp í bústað. Var nú ekki pláss fyrir mikið meira en 3 í stofunni og það byrjaði nú ekki vel. Fundum loksins staðinn og þurftum að nota alla okkar eldunarhæfileika sem komu þvílíkt vel út. Ótrúlegt en satt! Höfðum það bara næs í pottinum með allt áfengið okkar og horfðum á stjörnuhrap.

Herdís og Orri eignuðust "loksins" strák þann 19. okt. Auður frekja braut allar reglur og mætti í heimsókn til þeirra í hreiðrið. Var kannski einum of áköf þar sem ég var á undan ömmunum og afanum. Hehe, úps. Hann er algjör krútíbolla og ekki frá því að hann sé svoldið líkur pabba sín. En hann er svo heppinn að eiga 3 eldri systkini sem dekra hann og eru svo stolt af honum.

Svo eru Raggi og Didda búin að skíra lita snúlla og hann heitir Böðvar Snær. Litla músin er annars á leiðinni til Boston fljótlega í aðgerð og er hægt að fylgjast með fjölskyldunni á blogginu sem þau voru að opna.

Hef annars ekki mikið meira að segja. Bið bara að heilsa ykkur í bili og hafið það sem allra best elskurnar mínar!

Stjörnumerkin eftir að kynlífi lýkur!

2007-10-19T11:50:00.000+01:00

Hrútur: "Ok , gerum það aftur!?"

Naut: "Ég er svangur / svöng--- pöntum pizzu"

Tvíburi: "Veistu hvar fjarstýringin er?"

Krabbi: "Hvenær giftum við okkur??"

Ljón: "Var ég ekki frábær??"

Meyja: "Ég verð að þvo rúmfötin?"

Vog: "Mér fannst þetta gott ef þér fannst það líka"

Sporðdreki: "Ég ætti kannski að tengjast þér?"

Bogmaður: "Ekki hringja í mig - ég hringi í þig"

Steingeit: "Áttu nafnspjald?"

Vatnsberi: "Gerum það núna í engum fötum!"

Fiskur: "Hvað sagðist þú annars heita?"

Þannig að mér er spurn hvað hún systir mín er að gera í Danaveldi?!?

Dónde está el bar?

2007-09-25T19:12:00.000+01:00

Viajo Barcelona! Held það sé rétt, en anywhose... ég er á leiðinni til Barcelona. SJIBBÝ

Förum í nóvember í 5 daga. Og Sirrý snillingur er að redda mér þvílíkt. Ætlar að senda mér lista yfir allt stuðið á staðnum. Ohhh mig hlakkar ekkert smá til.

Ætlaði bara svona aðeins að losa þetta af mér. Og já líka, ef að þið eruð að pæla hvar ég hef verið undanfarið, þá erum við samasem flutt til Birkis og Elfu. Elfa snillingur er svo dugleg að elda fyrir okkur. Mmmm, takk fyrir það allt. En heyri í ykkur, er að fara í mat til fólksins, heyrumst.

P.S. Ef þið eruð inni á facebook, endilega adda mér. Ef þið eruð ekki þar, þá endilega skellið ykkur þangað inn, mæli með því!

Sætastur...

2007-09-18T17:42:00.000+01:00

Næsti prins er mættur. Raggi og Didda eignuðust strák í gær, 17. sept.
Innilega til hamingju með sæta strákinn ykkar, ég á alveg eftir að missa mig í verslun og heimsóknum á þessa prinsa.

Og svo er Herdís búin að ákveða að eiga 30. sept, þannig að það er alveg brjálað að gera í þessu!

Sætastur

2007-09-10T22:39:00.000+01:00

Ég föst í smábörnunum...
En hann er bara svo svakalega sætur! Þetta er semsagt nýjasti fjölskyldumeðlimurinn í tengdafjölskyldunni. Innilega til hamingju Erna og Gulli.

Heimilisleg húsmóðir

2007-09-09T16:40:00.000+01:00

Djísús hvað þetta er ekki búin að vera orkuhelgi. Fór eldsnemma að sofa á föstudag og var þar af leiðandi vöknuð fyrir 9 á lau en það var allt í lagi þar sem ég var hvort sem er að fara að vinna. Og fór svo aftur snemma að sofa í gær líka.
En það er kominn lítill prins. Erna og Gulli eru búin að eignast lillann sinn. Veit reyndar ekkert meira, stærð, dagsetningu eða neitt. Þær upplýsingar koma bara um leið og ég veit meir. Annars sá ég Diddu áðan þannig að ég veit að hún er ekki komin af stað, bíð bara spennt eftir því.
En núna er ég vonandi flutt heim til mín aftur. Náði nebbla að klára verkefnið sem ég var með í vinnunni um helgina þannig að þetta ætti aðeins að lagast. En annars var staffadjamm á föstudaginn. Byrjaði kl 6, við stimpluðum okkur bara út og mættum beint upp á 4 hæð. Þar voru pizzur og drykkjarföng. Geggjað stuð á okkur þar... Svo var skemmtun á Nordica hótelinu sem byrjaði kl 9, fór nú ekki þangað vegna síþreytu og orkuleysis. Enda var ég líka með heilsu í það að vinna á laugardaginn annað en sumir hehe.
Svo kíkti Ásrún á mig í gær eftir að ég kláraði að vinna. Fórum og dunduðum okkur í Egg og RL tískuhús. Geggjað langt síðan við báðar höfðum gert eitthvað svoleiðis, bara dunda okkur og skoða. Góðir tímar!
En er farin að baka pizzu. Djöfulsins dugnaður alltaf í minni, alltaf að elda og bjóða í mat. (en er samt ennþá í verkfalli og þrjóskukeppni!!)

Bleh

2007-09-06T00:27:00.000+01:00

Hefur nú ekki mikið gerst hjá mér undanfarið. Er samasem flutt í vinnuna... alltaf að vinna langt fram eftir kvöldi þannig að ég hef ekki tíma eða orku í að gera neitt.
Þvílíkur dugnaður í mér, mín bauð bara í mat í kvöld. Sérréttur a la Auður. Tortilla... Birkir og Elfa komu með Kristófer Óla og Árni Leó. Frekar lítið af öllu meðlætinu eeeen heppnaðist bara nokkuð vel. Svo fann Óli tölvuleikina mína og hann skemmti sér stórvel, og ég bara uppgötvaði hvað ég á marga skemmtilega tölvuleiki. Anna þú skrifar það hjá þér og við rifjum þetta upp þegar þú kemur næst.
Annars er hann faðir minn algjör snillingur. Hann fór í einhverja ferð að Búrfelli með gömlu skólafélögunum úr MR. Datt ofaní einhverja gjótu um hádegi á laugardag. Það voru 2 læknar á staðnum og þeir hlúðu að honum og héldu að hann væri brotinn. Hann labbaði til baka, erfiða leið upp og niður en hann var svo dofinn að hann fann ekkert til. Svo var hann farinn að finna meira til á sunnudaginn þannig að hann ákvað að drífa sig nú á slysó. Hann þurfti nú bara að keyra úr Garðabænum! Komst að á endanum, týndist í klukkutíma og eftir röntgen kemur í ljós að önnur pípan í löppinni er brotin. En það truflaði hann nú lítið í 1 og hálfan dag! Ruglaður. En hann þarf að vera í gifsi í 7-10 daga og svo fær hann göngugifs í 5 vikur. Þannig að við systkinin erum búin að reyna að dekra hann aðeins.
Svo er allt að gerast í barnamálum. Erna og Gulli eru á fullu væntanlega as we speak! Víðir eignaðist frænda í dag, Þorvaldur og Alrún eignuðust strák í dag, gleymdi þeim víst í upptalningu. En þau eiga heima í Köldukinninni. Svo var Dóri félagi hans Víðis líka að eignast stelpu í dag. Og við misstum af allri óléttunni og allt! Ekki alveg að standa okkur, enda allt of margir óléttir til að keep up.
En ætlaði nú bara að létta aðeins á mér. Svo er Danmerkurferðin mín aðeins í uppnámi, en á eftir að tala betur við systur mína og sjá hvað verður.
Later píps!

Þvílíkur þrýstingur...

2007-08-27T22:57:00.000+01:00

Ok ok, ég gefst upp! Eftir þennan þvílíka þrýsting og hótanir hef ég ákveðið að skella inn einni færslu. Greinilega enginn að lesa þessa síðu, þar sem bara ástkær systir mín hefur tjáð sig um endurkomu mína. En þá geri ég þetta bara fyrir mig...
Er að reyna að hugsa upp eitthvað sniðugt til að segja, en man ekki eftir neinu skemmtilegu. Er bara búin að búa í vinnunni seinustu vikur. Sé ekki fram á neinar breytingar þar á næstunni, en ef þið saknið mín mikið er alltaf hægt að plata mig í eitthvað. Bara biðja fallega :D
Ætla að kíkja til systur minnar í október, við Ásrún þurfum endilega að fara að bóka ferðina. Alltaf hægt að skemmta sér í baunalandi.

Uhhh, hvað meir? Jú kallinn kominn aftur í skólann. Það er bara fyndið. Ég er alveg búin að taka við af mömmu hans, "áttu að læra eitthvað fyrir morgundaginn?" "ertu búinn að læra heima?" hahaha, þvílíkur snillingur sem ég er. Sjáið þið þetta ekki fyrir ykkur?
En svo fer nú að styttast í allan þennan barnaskara sem er á leiðinni. 2 stykki eiga að koma núna um/eftir/fyrir mánaðarmót, og svo 3 stykki í viðbót fljótlega eftir það. Ef þú ert ólétt(ur) og ert ekki talin(n) upp hérna, endilega bara láta mig vita og ég skal bæta þér við. Næ varla að fylgjast með öllum þessum bumbum eða þessum óléttum...
En svona aðeins til að bæta á sjúkraskýrsluna mína. Fór loksins til háls- nef- og eyrnalæknis í dag. Sjibbý! Tók bara 2 ár að drulla sér til þess. Ég fer líklega í sneiðmynd af hausnum á mér á morgun (tækið var bilað í dag, krossum bara fingur) til þess að sjá hvernig þessar nefholur mínar eru. Svo á ég aftur tíma hjá honum á föstudag, til þess að lesa úr myndunum og ákveða framhaldið. Og eins og hann orðaði það pent, þá er ég víst "keis" og þarf líklega að fara í aðgerð. Já við erum að tala um það að það er ekki nóg að vera með steranefúða og sýklalyf, eða að fara í hreinsun, nei nei. Ég þarf líklega að fara í AÐGERÐ þar sem ég verð svæfð og eitthvað gert við kinnholurnar á mér. Mjög ánægð ef ég þarf ekki að vaka meðan þau pota eitthvað í nefið á mér.

Púff, held að þetta sé svona fínt til að byrja með, kannski styttra í næstu færslu hjá mér...

400 metrar, halda hæðinni

2007-07-18T16:07:00.000+01:00

Mín lifði af, er líka orðin svaka sólbrún og sæt. En ég ætlaði bara svona snöggvast aðeins að koma með ferðina. Fyrst ég fer aftur úr bænum á morgun, er skárra að vera nú aðeins búin að segja frá fyrri ferðinni. Hún var semsagt:
Fórum á þriðjudegi frá Bakkafirði með bilaða pústið okkar (já það kom gat strax á Vopnafjarðarheiðinni á leiðinni austur) til Ásbyrgis. Tjölduðum þar eina nótt, pökkuðum í rigningu og fórum aðeins vestar. Ætluðum að gista á Steindyrum en þau voru nýlögð af stað í ferðalag þannig að við sníktum gistingu á Akureyri í staðinn. Löbbuðum smá um bæinn daginn eftir því við þurftum að drepa heilan dag, og vegna veðurs nenntum við ekki að stoppa einhversstaðar á leiðinni á Búðardal og tjalda. Þannig að á endanum ákváðum við bara að fara alla leið á Búðardal, vorum grand á því og fengum bara inni á gistiheimili. Þá rann föstudagurinn upp og allt fólkið á leiðinni að hitta okkur. Þar var gist eina nótt á tjaldstæðinu, svo var keyrt beint í Norðurfjörð (fyrir utan systkinin sem þurftu aðeins að koma við í mjólkurbúðinni í Borgarnesi) og skelltum okkur á eins og eitt stykki ættarmót á tjaldstæðinu þar. Næsta dag (núna er kominn sunnudagurinn 8. júlí) skelltum við okkur í bátinn, Látravík næsta stopp, gist í Hornstrandavita, mánudagurinn fór í göngu, þriðjudaginn sigldum við yfir í Reykjarfjörð og gistum eina nótt þar í geðsjúklega góðu veðri og svo skilaði báturinn okkur aftur í Norðurfjörð á miðvikudag. Þá fórum við suður í Hólmavík og tjölduðum öll þar. Fimmtudaginn skildust leiðir, við Víðir vorum á leiðinni á Patró og brunuðum í rennifæri (skv lögreglunni á Hólmavík by the way) yfir Tröllatunguheiði og stækkuðum gatið aðeins á pústinu. Voru þið nokkuð búin að gleyma því? Þá búið að vera í 2 vikur, alltaf stuð að fá okkur í heimsókn :) Kíktum í heimsókn á Brynju (Maggi stakk víst af í veiði) sem var kófsveitt að mála og í miðjum flutningum og kíktum á litlustu frænku mína. Svo kíktum við í heimsókn til Ingólfs og þeirra á Látrabjargi og tjölduðum bara þar fyrir utan. Á föstudaginn skelltum við okkur svo á Birkimel á ættarmót og vorum fram á sunnudag og þá loksins komum við aftur heim til okkar eftir 18 daga útlegð. Fjúff, og ég er ennþá að þvo föt fyrir ferðina á morgun. En það verður bara stutt 5 daga ferð og bara stoppað á 2 stöðum þannig að það verður aðeins minna að segja frá því.
Kannski kem ég einmitt með aðeins betri lýsingar og jafnvel myndir frá báðum ferðunum í næstu viku.
En ég er allavega farin heim til mín. Leikur í kvöld, skilda að öskra sig hása! Heyri bara aftur í ykkur í næstu viku, þegar ég verð endanlega búin með sumarfríið mitt.

Ferðalagið hafið

2007-06-28T22:29:00.000+01:00

Jæja, þá er maður komin í sumarfrí og við farin úr bænum, og komum einmitt ekkert heim næstu rúmlega 2 vikurnar.

Lögðum af stað í gærkvöldi og fórum til Akureyris þar sem við gistum heima hjá mömmu og pabba Elfu. Fórum á 2 bílum, við Víðir og svo Birki, Elfa og Bjarni í hinum. Kíktum aðeins í RL tískuhús, Hagkaup og ríkið áður en við lögðum svo af stað í rólegheitum. Stoppuðum fyrst í Dimmuborgum þar sem við tókum ca klukkutímagöngu og skelltum okkur svo í böðin í Mývatni. Geggjað gott að slappa svona aðeins af, reyndar rándýrt en það er annað mál. Alltaf hægt að selja líffæri úr Víði.

Reyndar var aðalskemmtunin að horfa á Bjarna skemmta sér á Vopnafjarðarheiðinni. (Fyrir þá sem ekki vita, þá er það frekar mjór malarvegur þar sem að eru alltaf hrúga af rollum að sleikja veginn og vera fyrir.) En hann ákvað bara að taka þær almennilega í gegn. Birkir hægði á sér og var að bíða eftir að helvítis rollurnar drulluðu sér af veginum þegar að Bjarni opnaði bara hurðina hjá sér og gelti á þær. Bara fyndið að horfa á það í næsta bíl fyrir aftan. Hjá næstu rolluhrúgu var nú bara rúllað niður rúðunni og reynt að grýta þær með flösku. Og hann gerði þetta í hvert skipti sem að rollur voru hans megin, sama hvort þær voru á veginum eða ekki, þangað til hann var búinn með skotfæri. Átti reyndar bara 2 góð köst, þannig að ég tilkynnti honum bara að það væri á hans ábyrgð að kenna börnunum sínum að kasta betur.

En við erum allavega komin í dekur til tengdó, von á fleira fólki á morgun og það verður örugglega geggjað stuð hérna um helgina. Óvissuferð, grillveisla og margt fleira á dagskránni hjá þeim systrum þannig að þetta verður gaman. Læt nú kannski heyra í mér aftur áður en við leggjum af stað í óvissuna. Veit ekki alveg hvar ég verð í næstu viku, nema það að ég á sjóðandi heitt deit á Búðardal á föstudaginn í næstu viku.
En ég bið bara að heilsa ykkur í bili. Anna mín, passaðu bara að drepa ekki Bubba byggir og hafðu það gott í baði :)

...og blása

2007-06-14T14:42:00.000+01:00

Oooohh, ég hef það svo gott...

snýtipappír
nefsprey
hálstöflur
meiri snýtipappír
hitastillandi
hausverkjatöflur
ennþá meiri snýtipappír
nora roberts
vídjó
tónlist
og ennþá meiri snýtipappír
tölvan mín

Vill einhver skipta við mig?? Mér finnst að það eigi að vera bannað með lögum að vera veikur á sumrin. En ætla nú ekki að gera of mikið mál úr þessu á meðan ég verð góð þegar ég fer í frí. Úúúú road trip eftir 2 vikur...

En ætla bara að halda áfram að vera veik og reyna að hunsa þessa bévítans vespu sem ákvað að kíkja í heimsókn til mín. Vona bara að hún haldi sig í eldhúsinu.

... og þær ilma, af dulúð og sól

2007-06-03T19:31:00.000+01:00

Búið að vera brjálað að gera hjá mér undanfarið, en ætla nú ekkert að vera að skrifa um það núna. En ef þið hafið ekki tekið eftir því, þá er sumarið komið og það þýðir bara eitt. Ferðalög!!! Ohhh, sjibbý. Útilegur og stuð í allt sumar. En það er komið smá plan fyrir sumarið... Ef ég er að gleyma einhverju, eða þið hafið fleiri hugmyndi endilega koma með þær. Langar svo að endurupplifa sumarið fyrir 4 árum þegar ég var ekki eina einustu fríhelgi í bænum. Ég ætla bara að vera út um allt!

28 júní - 2 júlí: fjölskyldumót á Bakkafirði
5/6 - 11 júlí: fjölskylduganga á Hornströndum
13 - 15 júlí: ættarmót einhversstaðar á vestfjörðum
19 - 23 júlí: happy days á Þórshöfn (fyrstur kemur, fyrstur fær gistingu)

Þar fyrir utan er líka planað að fara í útilegu í Þakgil, veiðiferð/útilega við Hítarvatn, langar geggjað í helgarferð í Þórsmörk, svo er líka verslunarmannahelgin, og okkar árlega ferð á fiskidaginn nema annað betra bjóðist hehe. Þannig að núna er málið bara eitt, hverjir ætla með, hvert og hvenær erum við laus í það? Endilega leyfið mér að fylgjast með...

Hvíldu vel...

2007-05-30T11:21:00.000+01:00

Svefninn laðar, líður hjá mér.
Lífið sem ég ann ég lifað hef.
Fólk og furðuverur
hugann baðar andann hvílir.
Lokbrám mínum læsi uns
vakna endurnærður

Það er sumt sem maður saknar
vöku megin við.
Leggst út af á mér slokknar.
Svíf um önnur svið
í svefnrofunum finn ég
sofa lengur vil.
Þí ég veit að ef ég vakna upp
finn ég aftur til.

Svefninn langi laðar til sín
lokakafla ævi skeiðs.
Hinsta andardráttinn.
Andinn yfirgefur húsið
hefur sig til himna
við hliðið bíður drottinn.

Walk on, walk alone!

2007-05-23T22:37:00.000+01:00

Smá fótboltablogg... Var að horfa á úrslitaleikinn, góður leikur og mjöög góð úrslit. Ef þið vitið það ekki þá byrjaði ég einmitt að horfa á ítalska boltann þar sem mitt lið var að sjálfsögðu AC Milan. Þannig að gleði mín er mikil yfir því að hitt liðið mitt hafi unnið liði hans Jóa bró. Enda ekki furða með þennan skipper! Maðurinn verður 39 ára í næsta mánuði og er búin að spila í Seria A í 22 ár. Og fyrir ykkur stelpurnar sem fílið ekki fótbolta, þá er hann líka helvíti flottur ítalskur foli hehe.

En annars ætlaði ég að tilkynna ykkur að við erum á leiðinni í bústaðinn hans Víðis um þarnæstu helgi (fyrsta helginn í júní). Hann er staðsettur í Látravík, sem er víkin fyrir neðan Látrabjarg. Þið vitið, stóra fuglabjargið rétt hjá Patró sem allir túristarnir fara að skoða. Glæsileg hvít sandströnd og ótrúlega flottur staður! Ef þig langar með endilega láttu mig vita. Tekur ca 5 tíma að keyra, en þið ættuð nú öll að vera von að keyra ca 8 tíma á Bakkócity þannig að þetta er bara biti úr köku. Nema aumingjarnir sem taka bara flug.

Svo var ég annars að eignast litla frænku í dag. Svenni og Jónína voru að eignast fyrsta barnið sitt. Hún er algjör dúlla, með fullt fullt af ljósu hári. Og svo er hún alveg eins og pabbi sinn, ég sem sé aldrei svip á börnum sá það strax og meira að segja hann Víðir sá líka Svenna út úr þessu! Þannig að núna eru Maggi og Brynja orðin amma og afi, Maggi frændi einmitt 38 ára, Herdís og Raggi orðin afasystkini og frú Jóhanna orðin langamma 56 ára. Var einmitt að reikna það út að hún á þá núna 11 afkomendur, og 2 í viðbót á leiðinni. Meðan mamma sem er nokkrum árum eldri á okkur 3 systkinin. Við erum greinilega ekki alveg að standa okkur, enda fór mamma bara smá krókaleið og eignaðist stjúpbörn/barnabörn. Þannig að núna er komin formleg pressa á Önnu og Jóa, þið vitið að ég hef 4 ár í viðbót, þannig að pressan er ekki alveg komin á mig ennþá hehe.

Sumarið er komið! SJIBBÝ

2007-05-19T23:09:00.000+01:00

Ég veit ekki hvort ég sé svona skrítin eða hvað, þar sem að allir aðrir virðast ósammála mér. En ég er bara hélvíti ánægð með lagið sem vann Eurovision. Hélt með Finnlandi, ótrúlega hrifin eitthvað af því lagi, en þegar hún byrjaði að syngja frá Serbíu fékk ég gæsahúð og það er minn skali á góða tónlist. Og mín ótrúlega góð og kaus þau bæði! En þetta eru nú old news.

Svo fengum við Víðir skemmtilegt bréf frá skattinum um daginn. Ég og skattmann vorum sko innilega ekki vinir þá. Okkur var tilkynnt að við gætum ekki talið fram saman þar sem að við þyrftum að lágmarki að hafa verið í sambúð í ár, og vááá það munaði alveg 10 dögum hjá okkur! En ég náði nú að redda því á föstudaginn, þannig að þetta á að vera komið í lag núna, þurfti ekki að gera skýrslurnar okkur aftur, fjúkk.

Annars hef ég hér með ákveðið að sumarið er komið. Við Víðir erum orðin sólbrún og sæt þannig að jamm, sumarið er komið. Vorum að koma heim úr bústaðnum og við erum búin að vera alveg ótrúlega dugleg, þó svo ég segi sjálf frá. Það var sem sagt verið að skipta um það á bústaðnum, verið að setja upp flottar grænar plötur. Við mættum fyrst á staðinn, eða um 2 á föstudaginn þar sem að ég dekraði við mig og gaf mér frí í vinnunni þann daginn, og Víðir var búinn á hádegi. Og getiði hvað, ÉG fór upp á þak og var þar alveg í 2 tíma! Við Víðir ótrúlega dugleg og kláruðum mæninn og smá meira áður en hitt fólkið mætti. Gagga ekkert smá ánægð að sjá hvað við vorum dugleg. En annars kláruðum við að rífa af í gær, og vá hvað það var gott að komast í pottinn eftir það. Svo var pappanum hent á strax í morgun (ræs kl 10 mín yfir 8) og plöturnar kláraðar líka í dag. Við frænkurnar fórum líka aðeins í það að rífa niður girðinguna sem er löngu morknuð og týnd í trjánum. Þannig að þetta er geggjaður dugnaður í okkur öllum saman! Takk fyrir, takk fyrir. Þannig að við skötuhjúin ætlum bara að hafa það mjög rólegt og afslappað í kvöld.

Bið annars bara að heilsa ykkur í bili, vona samt að það verði styttra á milli næstu pósta.

Rólegt í vinnunni

2007-05-09T12:35:00.000+01:00

Ótrúlegt en satt, þá er rólegt í vinnunni núna þannig að ég ákvað aðeins að tjá mig.

Vil bara biðja ykkur sem eru með mig sem tengil á síðunum ykkar, að ef þið eruð ekki búin að breyta síðunni minni, endilega gera það sneggvast :)

En hveð ykkur í bili með fallegri mynd og að baki hennar býr enn fallegri hugsun... Þið vitið alveg að ég elska ykkur út af lífinu perrarnir mínir, en örvæntið ei. Ef þið getið verið strandaglópar í eyðimörkinni, hljóta líka að villast þangað einmana og yfirgefnir piltar!

Smá blogg

2007-05-05T21:58:00.000+01:00

Í tilefni þess að kosningar eru um næstu helgi þá ætla ég að deila þessu með ykkur. Rakst á þetta á netinu... Eins og ég þoli nú ekki undanfara kosninga, með öllum þessum áróðri og fréttahertöku seinustu vikurnar. En samkvæmt þessu prófi á ég að kjósa frjálslynda. Það munaði nú ekki miklu á þeim eða vinstri-græna. Það kemur nú svosem ekki mikið á óvart, þó svo að ég sé ekki ennþá búin að ákveða mig.

En ég ætla nú að skemmta mér meira yfir fótbolta og eurovision heldur en kosningum þann daginn. Alltaf stuð að skemmta sér með mafíunni, og að ég tali nú ekki um upp á Skaga!

En nenni nú ekki að blogga meira núna, erum að fara spila og sötra og hafa gaman. Bið bara að heilsa úr sólinni hérna á klakanum kl 9. Reynið bara að toppa það baunabúar. Það er ekki svona bjart hjá ykkur á þessum tíma, ekki eins gaman að fara í útilegur á sumrin ef það verður dimmt fyrir 9 á kvöldin hahaha! Og þá skiptir engu hvort það séu 27 stiga hiti og þið sólbrennið! En munið bara að þið getið notað tómat á brunann... eitthvað húsráð frá bobbIngu.

Blah blah

2007-04-24T12:13:00.000+01:00

Er svo innilega ekki að nenna að vinna, en þarf nú samt að halda áfram.

Ætlaði annars bara að óska Árna til hamingju með afmælið í gær og svo koma með eina létta í tilefni dagins.

Ég hef loksins fundið réttu aðferðina við að vigta mig:

Ég skil ekki hvernig ég gat gert þetta vitlaust öll þessi ár...

Sumarið er tíminn

2007-04-19T20:32:00.000+01:00

Já gott fólk, hið sjóðandi heita íslenska sumar er komið. Funduð þið ekki fyrir því í dag? Örugglega eina landið í heiminu sem vill að fyrsti sumardagurinn byrji með frosti. En það tókst einmitt núna þannig að það er von á góðu sumri. Ekkert nema gott mál, kominn tími á eitthvað annað en rigningu þennan stutta dag sem það er ekki frost hjá okkur.

Svo vil ég líka óska gamla fólkinu til hamingju með daginn. En þetta er stór dagur í lífi mömmu og Sæma, því turtildúfurnar eiga 2 ára brúðkaupsafmæli í dag. Þurfti reyndar að minna Sæma kallinn á það, en hún fær kannski rósir í kvöld eða eitthvað.

Annars er ég ekki ennþá að komast yfir það hvað allir eru óléttir. Ég er einmitt ekkert að grínast með það. Fórum og skoðuðum litlu prinsessuna í dag, algjör snúlla. Og er búin að frétta af fleiri óléttum, þannig að þetta liggur við faraldshættu. Það má víst ekki anda á sumar, þær verða bara óléttar hehe. Kallinn sagði þetta sjálfur þannig að ég er ekkert að ýkja hlutina.

Svo var ég annars að fá slæmar fréttir í gær. Einn sem er að vinna með mér á ólétta konu (surprise, surprise) og hún er ólétt af tvíburum. Hann var einmitt að segja mér í gær að tvíburar koma frá móðurinn. DAMN! Ekki nógu góðar fréttir sko, ef ég á að segja eins og er. En það er víst hægt að reikna út líkurnar á því að eignast tvíbura þannig að... Ef þið komist einhversstaðar yfir þetta útreiknipróf, í guðana bænum látið mig vita. Þetta eru það slæmar fréttir að maður þarf nú að gefa sér nokkur ár til að undirbúa sig, ekki nokkrar vikur eins og foreldrar mínir fengu.

En mín bara aðeins að pústa. Hafið það nú bara gott elskurnar mínar. Sé ég ykkur ekki öll í eldheita parýinu á Pravda í kvöld? Fékk allavega formlegt boð...

Ert þú óléttúr?

2007-04-11T18:42:00.000+01:00

Það er bara allt að gerast. En fjölgun mannkynsins er hafin. One down, few to come! Bjarni og Þórdís eignuðust litla prinsessu í gær, veit ekki meir þar sem engar nánari upplýsingar voru gefnar út. En henni var fagnað um allan heim í gær, aðallega af rauðklæddu fólki að horfa á fótbolta, þar sem hún fæddist á svo góðum tíma eða kl hálf níu í gærkvöldi.

En þá eru bara eftir 5 óléttur í nánustu fjölskyldu. (Sem ég veit um, by the way!) Og nei, við erum ekki að koma með eitt eða að drífa okkur í þessu eða hvernig sem þið viljið orða þetta. Búin að fá þá spurningu of oft! Og enginn hringir í Víði eða boggar hann á þessu! Arg, drasl er þetta, það er ekki á planinu næstu árin. Ég læt ykkur vita þegar það breytist.

Annars er bara allt það fínasta að frétta, ég náði að henda 3 myndum í viðbót upp, næst eru það bara ljósin. Þau þurftu jú alveg ár til að aðlagast breyttu heimili áður en þau eru bara fest þar. Það segir rafvirkinn allavega. Svo er Annan mín aftur farin heim til sín, vel úthvíld og endurnærð hehe! Gott að sofa í flugvélinni og lestinni...

Svo er bústaður um helgina, við orðin svo fullorðin að það gætu jafnvel laumast með 1 stk barn eða jafnvel fleiri. En það er verið að halda upp á afmælið hjá kallinum, ellismellurinn verður 26 ára. Og hugsiði ykkur bara, hann er ekki ennþá kominn með grá hár! En það verður ljúft að slappa af í pottinum, grilla og hafa það bara gott.

En bið annars bara að heilsa ykkur í bili. Ætla að fara að gera eitthvað af viti.

Gerið ykkur klár...

2007-03-27T21:08:00.000+01:00

Það er búið að slátra alikálfinum, mála íbúðina, kaupa ný húsgögn og skipta kallinum út því endurkoma týndu dótturinnar er loksins framundan!
Nei nei, kannski ekki alveg svona slæmt, kallinn losnar ekkert við mig :D En það er búið að laga gardínurnar, kaupa myndir sem MUNU verða komnar upp áður en hún kemur og að sjálfsögðu þrifið hátt og lágt. Framundan er reyndar alveg stíft plan, það er:
Föstudagur: spilakvöld heima hjá mér, við stelpurnar tökum bara rólega gúrku á þetta (í þeirri merkingu sem þið vilji)
Laugardagur: spilakvöld heima hjá mér, frændsysktinin í stuði (engin rólegheit)
Sunnudagur: matarboð, tengdó, og þau í Hnotuberginu (djísús kræst) en Annan mín ætlar einmitt að koma og hjálpa mér að þrífa og elda
Miðvikudagur?: frænkukvöld heima hjá mér, við og kallarnir okkar

Svo ætlaði ég líka að kíkja upp í bústað eina nótt. Það verður alveg nóg að gera hjá minni meðan systa er á "klakkanum" enda langt síðan maður sá hana.

Ef þið viljið hitta mig, leggið bara inn pöntun hérna í commentonum.

En ég og plönturnar mínar biðja bara að heilsa, endilega látið heyra í ykkur. Ykkur er líka velkomið að detta í heimsókn til mín, á nóg af bjór og meðlæti. Maður dekrar við danann alveg...

Góða helgi

2007-03-23T13:40:00.000Z

Nenni ekki að blogga núna, segi bara góða helgi...

Rétt lifi

2007-03-15T21:47:00.000Z

Bara svona aðeins að láta vita að ég er ennþá lifandi... en reyndar bara rétt svo
Er að vinna fram eftir hverju kvöldi, toppaði reyndar daginn í dag þar sem að ég komst ekki einu sinni í hádegismat ZzZzZzZz djísús hvað ég er líka orðin þreytt.
En ætla bara að horfa á House vin minn og hvíla löppurnar mínar. Ég og blómin mín biðjum bara að heilsa.

Rólegheitin

2007-03-06T20:52:00.000Z

Hef nákvæmlega ekkert að segja, en ákvað nú aðeins að láta vita af mér. Er ennþá að jafna mig á þessari andskotans flensu, alveg komin með nóg.
Var búin að ákveða að vera heima alla helgina með táslurnar upp í loftið og reyna að jafna mig. Endaði nú með því að ég fór út báða dagana, bara fyrir fótbolta. Við Atli fórum semsagt á fyrsta fótboltaleikinn okkar á þessu ári. Sátum í troðfullri stúku og í hrikalegri stemmningu í Egilshöllinni. Öll 30 sætin upptekin, og enginn tilgangur að klappa eða hvetja sitt lið áfram. Verðum bara að gera þetta sjálf.
Svo er alveg nóg að gera í vinnunni, veikindi allsstaðar þannig að ég er bara ein á morgnanna. Smá pressure en ég er soddan snillingur að ég höndla þetta alveg.
Svo kíkti Ásrún tölvugúru og ég henti inn einni ritgerð fyrir hana. Þau eru víst svo klár á tölvur. Hún bað Frank um að skella henni inn, en hann kann ekkert á þetta world forrit þannig að hún ákvað bara að hringja í yours truly! En hún náði allavega að skila ritgerðinni í dag, þannig að þetta fór allt saman vel.

Er að spá í að halda bara áfram að lesa og hafa það rólegt meðan strákarnir leika sér í tölvunni. Heyri bara í ykkur seinna... plönturnar mínar biðja líka að heilsa. Out!

Helvítis flensan

2007-02-27T13:24:00.000Z

Þoli ekki að vera veik!! Búin að vera veik síðan á föstudag og þetta kemur alveg á versta tíma. Er enn einu sinni komin með lyfjabúr heim til mín, við Víðir hljótum nú að halda allavega einu ef ekki tveimur lyfjafyrirtækjum fljótandi. Ég held samt að það sé önnur ástæða af hverju hálsinn á mér er svona slæmur. Bifhárin mín eru nefnilega að lifna við. Það gerist víst þegar maður hættir að reykja, og það eru jú að verða komin 6 ár síðan þau drápust aftur. (Ég er samt bara 18 sko) Var einmitt að rifja upp Akureyrarferðina um daginn, sem ég jú byrjaði að reykja aftur fyrir. Helvíti var það skemmtileg helgi. Ásdís sá bæði rauðmaga og hval... soddan vitleysingur hehe.

Hafið þið ekki alveg séð hval í Eyjafirðinum? Bara á pollinum? Syndandi í rólegheitum með rauðmaganum.
Er að spá í að segja þetta bara gott í bili. Það er jú nóg að Anna viti hvernig heilsan hjá mér er, þar sem þú ert jú sú eina sem lest þetta bull mitt. En ég og plönturnar mínar biðja bara að heilsa í bili. Ekki verða lasin!

Ný síða...

2007-02-24T18:11:00.000Z

Jæja, var komin með leið á hinni síðunni minni. Ætla að sjá hvernig þessi kemur inn. Langar nebbla að vera flinkari við að henda inn myndum og svona, veit að það eru nú einhverjir sem gætu hjálpað mér með það.
Annars er nú voða lítið að heyra frá mér. Mjög langt síðan ég lét heyra í mér en nenni nú ekki að tala um það allt.
Það var óvissuferð í vinnunni um seinust helgi. Skipt í lið og haft þrautir og leiki og svona. Það var alveg geggjað stuð. Pool- og pílukeppni á Classic, svo var hoppað í rútu og við enduðum upp á Skaga. Þar fórum við í íþróttahúsið og lékum okkur smá og borðuðum. Endaði að sjálfsögðu á því að mitt lið vann, þannig að ég er óvissuferðarmeistari. Takk takk! Ég kynntist vinum hans Jóa aðeins betur, þeir eru 2 sem að vinna með mér. Það endaði nú á því að Bogi var farinn að mata mig á jarðarberjum, og þá náttla mataði ég hann á móti. Þetta var svona bonding ferð. Ég ákvað að fara bara heim þegar rútan kom í bæinn rétt eftir miðnætti. Stuttu seinna fékk ég sms frá Jóa. Þá höfðu strákarnir víst tilkynnt honum að Runólfsdóttir hefði drepist og verið skilin eftir. Ég leiðrétti þann misskilning bara. Svo er bara búið að vera rugl að gera í vinnunni þessa viku. Er búin snemma ef ég kemst út fyrir 7, var lengst til 9. Þannig að mín er drulluþreytt eftir það.
Hætti líka að reykja fyrir viku síðan. Búin að standa mig bara nokkuð vel í því. En ekkert samt vera að spurja Birki út í það. Bjarni hefur bara slæm áhrif á mig, það er allt og sumt.
En ætla að slútta þessu í bili. Ætla aðeins að prufa hvað þessi síða getur sniðugt. Heyri bara í ykkur. Plönturnar mínar biðja að heilsa.